Eelä kõlasi Sännä mõisan võrokeeline luulõ aoluulidse Võro-, Tarto- ja Setomaa 37 koolilatsõ esitüsen. Kõge inämb kittüst jagosi Pikäkannu kooli opilaisile ja oppajile.
Latsi luulõlugõmist kullõl ka hindajite kogo kuuhsaisun Vijardi Külli (Puiga Rahvamaja juhataja), Kala Urmas (Võro Instituudi keeletundaja) ja Hinrikusõ Henrik (Põlva Ütisgümnaasiumi opilanõ, tunnõt lõõdsamängja).
Kittüse jagosiva I – IV klassi vannusõrühmän nii:
I kotus – Rasmus Kärbla (Vilustõ Põhikuul, oppaja Aasa Liiv)
II kotus – Laura Hõimla, Jane Pelska, Kristjan Leonov (Pikäkannu Põhikuul,
oppaja Kadi Kronberg)
III kotus – Jos Kristian Krevald (Osola Põhikuul, oppaja Merili Küppar)
V – IX klassi vannusõrühm:
I kotus – Koit Roots (Pikäkannu Põhikuul, oppaja Kadi Kronberg)
II kotus – Ain Mägise (Krabi Kuul, oppaja Merike Niitmets)
III kotus – Hebo Rahman (Osola Põhikuul, oppaja Merili Küppar)
X – XII klassi vannusõrühmä ainumbat ülesastjat Elis Raudketti (Verska Gümnaasium, oppaja Ilme Hoidmets) kiteti ilmeka ilolugõmise iist.
Eriavuhinna:
Võro Instituudi avvuhind – Erik-Villem Lehtmäe (Sabõrna Põhikuul, oppaja Saidi Tammeorg);
Nopri talu avvuhind – Siim Koppel (Puiga Põhikuul, oppaja Helve Ruul);
Kauksi Ülle avvuhind – Ingrid Kaasik, Liis Kikas, Raimond Vink, Kätlin Rest (Võro Kreutzwaldi Gümnaasium, oppaja Helena Linnamäe);
hää näütlemise avvuhind – Eliise-Mariin Sepp (Kääpä Põhikuul, oppaja Jana Kähr);
MTÜ Sänna Mõisakeskus avvuhind – Pikäkannu Kooli latsi juhõndaja Kadi Kronberg.
Artur Adsonilõ pühendet luulõlugõmisvõistlus sai timahavva teos 13. kõrda. Võistlusõ kõrraldiva MTÜ Sänna Mõisakeskus ja Võro Instituut. Ilolugõmine toimusi mõisan, midä majandas MTÜ Sänna Kultuurimõis.
Ettevõtmist tugõsiva Eesti Kultuurkapitali Võro- ni Põlvamaa ekspertgrupp, Rõugõ vald, Võro Instituut, MTÜ Sännä Mõisakeskus, Kauksi Ülle ja Nopri Talomeierei.